BQO-da avtobýspen túıisken mototsıkl júrgizýshi kóz jumdy
ORAL. QazAqparat - Keshe saǵat 20.10 shamasynda Terekti aýdany Podstepnyı aýyly mańynda qaıǵyly oqıǵa oryn aldy, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, 1966 jylǵy júrgizýshi jolaýshylar tasymaldaıtyn «PAZ» avtobýsymen «Neftek» janar-jaǵar maı stansasyna burylǵan kezde «DFMCO» nyspyly mototsıklge jol bermegen. Sonyń saldarynan 1985 jylǵy mototsıkl júrgizýshi oqıǵa ornynda kóz jumdy.
Atalǵan derek boıynsha QR QK 345-baby 3-bóligine sáıkes qylmystyq is qozǵalyp, Terekti aýdandyq ishki ister bólimi tergeý amaldaryn júrgizýde.
Aıta keteıik, bul mototsıkldiń qatysýymen bolǵan birinshi oqıǵa emes. Budan buryn dál osyndaı qaıǵyly jaǵdaı Oral qalasynda tirkelgen bolatyn.
