BQO-da «Avtobýs» sharasy aıasynda 1618 ákimshilik quqyqbuzýshylyq tirkeldi
ORAL. QazAqparat - Batys Qazaqstan oblysynda «Avtobýs» jedel aldyn alý sharasy aıasynda 1618 ákimshilik quqyqbuzýshylyq tirkeldi, dep habarlaıdy «QazAqparat» tilshisi.
BQO ІІD jergilikti polıtsııa qyzmetinen túsken málimetke qaraǵanda, 22 qańtar - 18 aqpan aralyǵynda ótkizilgen shara kezinde 208 júrgizýshiniń jyldamdyqty shekten tys arttyrǵany anyqtaldy. Avtobýsty zańsyz jabdyqtaýdyń 8 deregi tirkeldi. 30 júrgizýshi jaıaý júrginshige jol bermegeni úshin toqtatyldy. Túrli quqyqbuzýshylyq úshin 13 avtobýs aıyp turaǵyna qoıyldy. Jolaýshy tasymaldaýmen aınalysatyn kásiporyndardyń 16 laýazymdy qyzmetkeri ákimshilik jaýapkershilikke tartyldy.
Sonymen qatar osy mezgilde jol-patrýldik polıtsııa qyzmetkerleri oblys joldarynda 17 qyrǵyzstandyq jáne 42 ózbekstandyq azamatty evakýatsııalaýǵa qolushyn berdi.
Aıta keteıik, óńirde 20-22 aqpan aralyǵynda «Páter» jedel aldyn alý sharasy ótkizilýde. Oblystyq ishki ister departamenti 118 kúzet qyzmeti nysanyna baqylaý jasaıdy. Sondaı-aq 8 jeke kúzet uıymy bar. Qazirgi tańda 757 úı men páter ortalyq baqylaý núktesine qosylǵan. Oǵan qosa 23 jeke úıge de kúzet qoıylǵan.
