BQO-da avtobýs pen jeńil kóliktiń soqtyǵysýy: Júrgizýshi aýyr halde jatyr
ORAL. QazAqparat - Batys Qazaqstan oblysyndaǵy jol apatynan jaraqat alǵan adam aýyr halde jatyr, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, Aqjaıyq aýdandyq ortalyq aýrýhanasynda jatqan 1983 jylǵy er adamnyń mıy shaıqalǵan, jabyq bas-mı jaraqatyn alǵan. Іshi men keýde tusyna zaqym kelgen. Qazir jaǵdaıy qalypty, esin jıǵan.
Eske sala keteıik, keshe Oral-Atyraý jolynyń boıynda, Aqjaıyq aýdany aýmaǵynda jolaýshylar avtobýsy men júk kóligi soqtyǵysyp, saldarynan qos birdeı júrgizýshiniń (Ózbekstan azamattary) qaza tapqanyn jazǵan bolatynbyz. Al avtobýsta bolǵan ekinshi júrgizýshi, Jambyl oblysynyń turǵyny aýdandyq aýrýhanaǵa jetkizilgen edi.
Foto: baddrug.news
