BQO-da aýyz sý berý qunyn sýbsıdııalaý úshin 916,4 mln teńge qaralmaq
ORAL. QazAqparat - Batys Qazaqstan oblysy aýyldarynda bıyl aýyz sýdy sýbsıdııalaý úshin 916,4 mln teńge qajet, dep habarlaıdy «QazAqparat» HAA tilshisi.
BQO energetıka jáne turǵyn úı-kommýnaldyq sharýashylyq basqarmasynyń basshysy Ǵalym Orynǵalıevtiń aıtýynsha, bul maqsatqa respýblıkalyq bıýdjetten jalpy sıpattaǵy transfert esebinde 717,5 mln teńge bólindi. Osy qarjyǵa óńirdegi 78 eldi meken turǵyndaryna 5 toptyq jáne 47 oqshaý sý qubyrlary boıynsha aýyz sý berý qunyn sýbsıdııalaý josparlanýda. Oǵan qosa atalmysh basqarma sýdyń quny 1 tekshe metri úshin 250-den 700 teńgege deıin quraıtyn 44 eldi mekendi «Sýmen jabdyqtaýdyń balamasyz kózderi bolyp tabylatyn erekshe mańyzdy toptyq jáne oqshaý sýmen jabdyqtaý júıeleriniń tizbesine» engizý jóninde QR Ulttyq ekonomıka jáne Aýyl sharýashylyǵy mınıstrlikterine qujattar jiberdi. Bul aýyldardy sýbsıdııalaý úshin 251,1 mln teńge (aýyz sý kólemi 878,9 myń tekshe metr) kerek. Sonda taǵy 43,5 myń aýyl halqyna sýǵa sýbsıdııa berilmekshi.
Aıta keteıik, 2016 jyly 78 eldi mekendegi (128627 adam) 405,2 myń tekshe metr kólemindegi aýyz sý berý qunyn sýbsıdııalaý úshin 866,7 mln. teńge qaralyp, ıgerilgen bolatyn.
