BQO-da aýylǵa jabaıy qaban kirip ketti
ORAL.QazAqparat - Qaztalov aýdanynyń ortalyǵy Qaztalov aýylyna jabaıy qaban kirip ketti, dep habarlaıdy QazAqparat tilshisi.
Aýdandyq polıtsııa bóliminiń bastyǵy Renat Degenbaevtyń aıtýynsha, oqıǵa búgin saǵat 05.00 shamasynda oryn aldy.
Maldaryn óriske shyǵaryp jatqan turǵyndar «mezgilsiz kelgen qonaqtan» qorqyp, habarlasqan. Avtokólikke shapqan qabannyń adamdardy jazym etýi múmkin edi. Sondyqtan ony polıtsııa qyzmetkerleriniń aýyldan aıdap shyǵarýyna týra keldi.
«Aýyl ishinde júrgen qaban áýeli «Qazposhta» bólimshesi, sodan keıin aýdan ákimdigi ǵımaratyna qaraı qashty. Qyzmettik kólikke nuqsan keltirmeýdi oılap (qabannyń qoparyp tastaýy múmkin ǵoı), jeke avtokólikpen qýdy jigitter. Aqyry aýyldan shyǵyp ketti. Abyroı bolǵanda, eshkim zardap shekken joq», -dedi QazAqparat tilshisine Renat Maratuly.
