BQO-da aýyldasyn pyshaqtap óltirgen kúdikti ustaldy
ORAL. QazAqparat – Batys Qazaqstan oblysynda aýyldasyn pyshaqtap óltirgen kúdikti ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa Syrym aýdany ortalyǵy Jympıty aýylynda boldy.
Úılerdiń birinen 5 qarasha kúni shamamen saǵat 16.10-da zorlyqpen óltirilgen (pyshaq jaraqaty) 1968 jylǵy er adamnyń múrdesi tabyldy.
Osy qylmysqa qatysty 1977 jylǵy N. degen kúdikti anyqtalyp, ustaldy.
Qazirgi kezde QR QK 99-babyna sáıkes (kisi óltirý) tergeý amaldary júrgizilýde.
Aýyl turǵyndarynyń sózine qaraǵanda, birneshe adam qosylyp araq ishken.
