BQO-da aýyldasyn qatygezdikpen óltirgen turǵyn 11 jylǵa sottaldy
Atalmysh sottyń baspasóz qyzmetinen málim etkendeı, A.Sysoev QR QK 99-baby 1-bóligine (kisi óltirý) sáıkes aıypty dep tanylyp, 11 jylǵa bas bostandyǵynan aıyryldy.
Sonymen qatar qylmysty jasyrǵany úshin A.Bylınkın QR QK 432-babyna sáıkes 4 jylǵa sottaldy.
Onyń is-áreketinde qylmystyń qaıtalanýy (budan buryn aýyr qylmys jasaǵany úshin jazasyn ótegen) eskerildi.
Sol sekildi V.Sokolov pen V.Stoıakın osy bapqa sáıkes 3 jylǵa bas bostandyǵynan aıyryldy.
Sottalýshylardyń bári de jazasyn qaýipsizdigi barynsha qylmystyq-atqarý júıesi mekemesinde ótep, maskúnemdikten májbúrli túrde emdeletin bolady.
Sot talqysynda belgili bolǵandaı, ótken jyldyń 25 qarasha kúni shamamen 18.00-de Báıterek aýdany ıAnvartsev aýylynda atalǵan tórteý aýyldasy Mıhaıl Kraınovpen birge araq ishken. Sonyń barysynda Sysoev pen Kraınov sózge kelgen.
Sony jeleý etken Sysoev ótkir temir kesindisimen Kraınovtyń denesine birneshe soqqy jasaǵan. Qulaǵan kezde jippen qylǵyndyryp óltirgen.
Sodan keıin qylmystan jaltarý úshin A.Sysoev A.Bylınkın, V.Stoıakın, V.Sokolovpen birge marqumnyń denesin úıden alyp shyǵyp, motorollermen aparyp, Jaıyq ózenine laqtyryp jibergen.
Sottalýshylar kinásin moıyndady.
Sot úkimi zańdy kúshine engen joq.
Eske sala keteıik, budan buryn BQO-da joǵalyp ketken er adamnyń denesi Jaıyq ózeninen tabylǵanyn jazǵan bolatynbyz.
Sondaı-aq Oralda jazasyn óteýshilerdi uryp-soqqan kolonııa qyzmetkerleri sottaldy.