BQO-da aýyldasy pyshaqtaǵan turǵyn mert boldy
ORAL. QazAqparat – Batys Qazaqstan oblysynda aýyldasy pyshaqtaǵan turǵyn mert boldy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa 19 sáýir kúni Aqjaıyq aýdany Býdarın aýylynda boldy.
Saǵat 02.30 shamasynda Qazaqstan kóshesinde ornalasqan úı mańynda birge araq ishý barysynda eki turǵyn bir-birimen sózge kelip, sońy tóbeleske ulasqan. 1982 jylǵy er adam 1977 jylǵy aýyldasynyń júrek tusyna pyshaq suqqan.
Sonyń saldarynan jábirlenýshi aýrýhanada kóz jumdy.
Marqumnyń múrdesi sot-medıtsınalyq saraptamaǵa jiberildi.
Kúdikti qolǵa túsip, Aqjaıyq aýdandyq polıtsııa bólimi ýaqytsha ustaý ızolıatoryna qamaldy.
Qazirgi kezde QR QK 99-baby 1-bóligine (kisi óltirý) sáıkes sotqa deıingi tergeý amaldary júrgizilýde.
Eske sala keteıik, budan buryn Oralda er adamnyń óz áıelin pyshaqtap óltirgenin jazǵan edik.
