BQO-da aýyldan jaıaý shyqqan bes turǵyn dalada qaldy
ORAL. QazAqparat - Batys Qazaqstan oblysynda aýyldan jaıaý shyqqan bes turǵyn dalada qaldy, dep habarlaıdy QazAqparat tilshisi.
BQO TJ departamenti jedel qutqarý jasaǵynyń bas qutqarýshy-psıhology Leıla Ábdirahmanovanyń aıtýynsha, oqıǵa 5 naýryz kúni Syrym aýdanynda oryn aldy.
Úsh er, eki áıel adam Qońyr aýylynan Samara-Shymkent jolyn betke alyp, jaıaý shyqqan. Olardyń bári de aýdan ortalyǵy Jympıty aýylyna barýy kerek bolǵan. Alaıda joldy qar basyp qalyp, kólik júre almaǵandyqtan, trassaǵa deıin jaıaý jetýdi jón kórgen.
Qalyń qar men aýa raıynyń qolaısyzdyǵy saldarynan Samara-Shymkent trassasyna alty shaqyrymdaı qalǵanda, jolaýshylardyń ábden kúshi sarqylyp, qutqarýshylar qyzmetine qońyraý shalýǵa májbúr bolǵan.
Oral qalasynan jedel qutqarý jasaǵynyń qutqarýshylary jol talǵamaıtyn «Trekol» kóligimen oqıǵa oryn alǵan jerge baryp, jolaýshylarǵa qajetti kómek kórsetip, Jympıty aýylyna jetkizdi.
