BQO-da aýyl turǵyny 4,5 kg jýyq esirtkimen ustaldy
ORAL. QazAqparat - Batys Qazaqstan oblysynda aýyl turǵyny 4,5 kg jýyq marıhýanamen ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, Báıterek aýdanynyń 1972 jylǵy turǵyny er adamǵa 37,25 gramm keptirilgen marıhýanany zańsyz satqan.
Tintý kezinde aýlasyndaǵy sharýashylyq qurylysynan 4356,99 gramm marıhýana tabyldy. Oǵan qosa úıinen 73,64 gramm keptirilgen marıhýana shyqty.
Esirtkiniń jalpy salmaǵy 4430,63 gramdy qurady.
Qazirgi kezde kúdiktige qatysty QR QK 297-baby 1-bóligine (esirtki zattaryn zańsyz ótkizý) jáne 2-bóligine (satý maqsatynsyz esirtki zattarymen zańsyz aınalysý) sáıkes tergeý amaldary júrgizilýde.
