BQO-da aýyl turǵyndary avtobýstyń jolaqysyn kóterýdi surap otyr

ORAL. QazAqparat – Qalada jumys isteıtin aýyl turǵyndary taksımen júrý qymbatqa túsetindikten, jolaqyny 300 teńgege deıin kóterý jóninde hat jazyp, qol jınapty, dep habarlaıdy QazAqparat tilshisi.

Terekti aýdany Shaǵan aýyldyq okrýginiń ákimi Maqsot Murzaqaevtyń aıtýynsha, Jańaómir aýylynan Oral qalasyna qatynaıtyn №66 baǵyttaǵy avtobýs osy kúnge deıin 150 teńgemen júrip keldi.

Málim etkenindeı, bul baǵyt boıynsha «Batys Qazaqstan avtobýs parki» JShS qyzmet kórsetedi. Jolaqy mólsherin Oral qalasy turǵyn úı-kommýnaldyq sharýashylyǵy jáne turǵyn úı ınspektsııasy bólimi retteıdi.

Osy baǵyt boıynsha júrgizýshiler jolaqyny 150-den 200 teńgege deıin kóterýdi suraǵanymen, eldegi moratorııge baılanysty olardyń bul ótinishi qanaǵattandyrylmaǵan.

«Bul másele osy aptanyń ishinde qalada arnaıy komıssııada qaralady. Oral men Jańaómir arasyna qatynaıtyn avtobýs marshrýtyn áleýmettik mańyzy bar baǵytqa jatqyzyp, jolaqy aıyrmasyn úkimet esebinen óteý qarastyrylmaqshy»

, - dedi QazAqparat tilshisine Maqsot Murzaqaev.

Aıta keteıik, buǵan deıin jazǵanymyzdaı, Almaty ákimdigi 3 mamyr kúni qosymsha avtobýs marshrýttaryn uıymdastyrady.