BQO-da aýyl mektebi kúrdeli jóndeýden ótkizildi
ORAL. QazAqparat - Búgin Tasqala aýdany Shejin mektep-balabaqshasynyń kúrdeli jóndeýden ótkizilgen ǵımaratynda jańa oqý jyly bastaldy.
Alǵashqy qońyraý saltanatyna qatysqan aýdan ákimi Sanjar Álıevtiń atap ótkenindeı, Elbasy tapsyrmasyna sáıkes elimizde bilim salasyna aıryqsha kóńil bólinýde. Sonyń bir dáleli, bıyl respýblıkalyq bıýdjetten Shejin mektebiniń ǵımaratyn kúrdeli jóndeýge 101,5 mln teńge bólindi. Nátıjesinde aýyl balalary jańartylǵan bilim ordasynda oqýǵa múmkindik aldy.
Saltanatty shara barysynda 1-synyp oqýshylaryna Elbasynyń «Meniń Otanym - Qazaqstan» atty kitaby tabys etildi. Barlyq mektep oqýshylary «Men óz Otanymnyń patrıotymyn» atty alǵashqy sabaqqa qatysty.
Aýdandyq bilim berý bóliminen alynǵan málimetke qaraǵanda, 2006 jylǵy bilim bıýdjeti 1673,9 mln teńgeni qurady. Mektepterdiń materıaldyq bazasyn jańartýǵa, sonyń ishinde jańa kompıýtermen qamtamasyz etýge jergilikti bıýdjetten 18,816 mln teńge, beınekamera alýǵa 10,8 mln teńge (jergilikti qazynadan - 4,4 mln teńge, respýblıkalyq bıýdjetten - 6,4 mln teńge), oqýlyq alýǵa 19,639 mln teńge qarastyryldy. Jergilikti bıýdjetten aýdannyń toǵyz mektebin 135 robot tehnıkasy jabdyqtarymen qamtýǵa 26,325 mln teńge jáne muǵalimderdi oqytýǵa 193 myń teńge, úsh tilde bilim berýge kóshý aıasynda 19 ustazdy oqytýǵa 665 myń teńge, keshendi elektrondy oqytýǵa 1,33 mln teńge, jasóspirimder arasynda sýıtsıdtiń aldyn alý jobasyna pedagogtardy daıyndaýǵa 503 myń teńge bólinip, ıgerilýde.
Aýdanda 1-synypqa 277 oqýshy qabyldansa, sonyń 243-i qazaq synybynda bilim alady.
