BQO-da aýrýhanada tańǵy astan qurtqa uqsas nárse tabyldy
ORAL. QazAqparat - Jańaqala aýdandyq ortalyq aýrýhanasynda tańǵy astan qurtqa uqsas nárse tabyldy, dep habarlaıdy QazAqparat tilshisi.
Aýrýhana dırektory Shyńǵys Sársenǵalıevtiń aıtýynsha, oqıǵa keshe oryn aldy.
Tamaq ishý kezinde naýqas áıel tarelkasynan qurtqa uqsas nárseni baıqap qalyp, as taratýshyǵa keri qaıtarǵan.
Tańǵy asqa bıdaı botqasy berilgen. Ony kezekshi dáriger ózi tekserip. synamasyn alǵannan keıin tamaq naýqastarǵa úlestirilgen.
Oqıǵa oryn alǵan boıda jedel kezekshi dárigerge, bólim meńgerýshisine, dırektordyń emdeý isi jónindegi orynbasaryna habarlanyp, atalǵan asqa akt jasalyp, sanıtarlyq saraptama ortalyǵyna jiberildi.
«Jyldyń basynda Jańaqala aýdandyq ortalyq aýrýhanasyna tamaqty tasymaldaýshy retinde aýtsorsıng tásilimen «Janalı» JK anyqtalǵan bolatyn. Oqıǵa oryn alǵannan keıin «Janalı» JK basshylyǵy aýrýhanaǵa shaqyrylyp, naýqastarmen sóılesilip, túsindirme jumystary júrgizildi. Eger saraptama qorytyndysyna sáıkes ákelingen tamaq talapqa saı bolmaı, bógde nárse anyqtalatyn bolsa, aýrýhanaǵa daıyn tamaq tasymaldaýshy «Janalı» JK-men kelisimshartty buzý jóninde aryz túsiriledi, bul jóninde kásipkerlikke habarlama jiberildi. Saraptama qorytyndysy alynǵan ýaqyttan bastap eseptegende, úsh kúnnen keıin shyǵady», dedi QazAqparat tilshisine Sh.Sársenǵalıev.
