BQO-da aýyzsýdyń sapasyn baqylaý barysynda 80 synama talapqa saı kelmedi
ORAL. KAZINFORM — Batys Qazaqstan oblysy sanıtarııalyq-epıdemıologııalyq baqylaý departamenti aýmaqtyq bólimsheleriniń mamandary atmosferalyq aýanyń sapasyna sanıtarııalyq-hımııalyq kórsetkishter boıynsha monıtorıng júrgizdi.
Departament basshysynyń mindetin atqarýshy Gúldana Kereevanyń Kazinform tilshisin málim etkenindeı, bıylǵy toǵyz aı ishinde atmosferalyq aýanyń 31 830 synamasy zertteldi.
Gúldana Qaıyrjanqyzynyń sózine qaraǵanda, sonyń ishinde 18 synamada (0,05 paıyz) belgilengen gıgıenalyq normatıvterden aýytqýlar anyqtaldy.
— Sonymen qatar aýyz sýdyń sapasyn baqylaý barysynda mıkrobıologııalyq kórsetkishter boıynsha 2 468 synama zertteldi. Onyń ishinde 80 synama (3,2 paıyz) gıgıenalyq normatıvterge sáıkes kelmedi. Sol sekildi sanıtarııalyq-hımııalyq kórsetkishter boıynsha zerttelgen 2 454 synamanyń 147-sinde (6,0 paıyz) aýytqýlar bar ekeni belgili boldy, — deıdi Gúldana Kereeva.
Onyń aıtýynsha, sanıtarııalyq-epıdemıologııalyq monıtorıng halyqtyń ómir súrý ortasynyń qaýipsizdigin baǵalaýǵa jáne sanıtarııalyq talaptardyń saqtalýyn baqylaýǵa baǵyttalǵan. Sondyqtan mundaı monıtorıngti júrgizýdiń mańyzy zor.
Eske sala keteıik, budan buryn BQO-da jiti ishek juqpasymen aýyrǵandar sany 300-den asqanyn jazǵan edik.
