BQO-da aýylmen jol qatynasy qıyndap ketti – ákimdik jaýap berdi

ORAL. KAZINFORM – Batys Qazaqstan oblysy Báıterek aýdany Peremetnyı aýyldyq okrýgine qarasty Qarajar eldi mekeninen qatynaıtyn joldyń ezilip ketkeni jóninde áleýmettik jelide beınejazba tarady.

Turǵyndardyń sózine qaraǵanda, Peremetnyı men Qarajar aýyly arasynda 7 shaqyrymǵa asfalt salamyz dep, burynǵy greıder joldy buzyp tastaǵan. Qum-qıyrshyq tas qospasy jartylaı tasylǵan. 

— Endi aınalma jol da joq. Jańbyr joldy shaıyp ketkendikten ári qum bolǵandyqtan, kólikpen júrý múmkin emes. Qarajardan Peremetnyıǵa qatynaıtyn oqýshy balalar 7 shaqyrym jaıaý júrýge májbúr. Bulaı etkenshe, joldy bastamaý kerek edi, — deıdi turǵyndar. 

Osy máselege baılanysty Báıterek aýdany ákiminiń orynbasary Erlan Toqsanbaev jaýap berdi.

— Qarajar jáne Polıvnoe aýyldaryna kirme joldardy kúrdeli jóndeý bıylǵa josparlanǵan. Merdiger uıym «Anýsh Qurylys» JShS ınertti materıaldardy ákelý jumystaryn bastady. Sonymen qatar qarjylandyrý úshin oblystyq jolaýshylar kóligi jáne avtomobıl joldary basqarmasyna bıýdjettik ótinim joldandy. Jol qurylysy bıyl aıaqtalady dep kózdelýde, — dedi E.Toqsanbaev.

Eske sala keteıik, budan buryn Batys Qazaqstanda shalǵaı aýyldarǵa asfalt jol qashan salynatynyn jazǵan edik.