BQO-da aýyldyq okrýg ákimi apparatynyń bas mamany 12 mln teńge jymqyrǵan
Bul týraly Batys Qazaqstan oblystyq prokýratýrasynyń baspasóz qyzmeti málim etti, dep habarlaıdy Kazinfrom.
Baspasóz qyzmetiniń málimetterine qaraǵanda, prokýrorlyq tekserý barysynda BQO Shaǵataı aýyldyq okrýgi ákimi apparatynyń bas mamany 2020 jyldan 2023 jylǵa deıingi kezeńde óziniń kartochkadaǵy 12 mln teńge bıýdjet qarjysyn zańsyz aýdarǵany anyqtaldy.
Bul fakt QK-niń 189-babynyń 3-bóligi boıynsha sotqa deıingi tergeýdiń biryńǵaı tizilimine tirkelip, keıinnen sotqa deıingi tekserýdi júrgizý úshin Batys Qazaqstan oblysy boıynsha Ekonomıkalyq tergeý departamentine joldanyp, tergeý nátıjesi boıynsha is sotqa joldandy.
Sot úkimimen ákimdik qyzmetkeri 3 jylǵa bas bostandyǵynan aıyrylyp, jazasyn qylmystyq-atqarý júıesiniń ortasha qaýipsiz mekemesinde óteıtin bolady.
Úkim zańdy kúshine engen joq.
