BQO-da aýdan ortalyǵy otyz jyl jınalmaǵan qoqystan tazartyldy
ORAL. KAZINFORM — Batys Qazaqstan oblysy Aqjaıyq aýdany prokýratýrasynyń bastamasymen «Taza Qazaqstan» respýblıkalyq ekologııalyq aktsııasy aıasynda aýqymdy tazalyq jumystary uıymdastyryldy.
BQO prokýratýrasynyń baspasóz qyzmetinen málim etkenindeı, aýdan prokýratýrasy jergilikti atqarýshy organdardyń qyzmetin úılestire otyryp, aýdan ortalyǵy Chapaev aýylyn 30 jyldan astam ýaqyt boıy jınalǵan qoqystardan tazartty.
— Igi bastamany kásipkerler, kásiporyndar men aýyl turǵyndary belsendi qoldady. Nebári eki kúnde 1 100 tonna kúl-qoqys arnaıy polıgonǵa shyǵaryldy. Bul — tek aýmaqty qoqystan tazartý ǵana emes, turǵyndardyń ómir súrýine qolaıly orta qalyptastyrýǵa, eldi mekenniń sanıtarlyq jaǵdaıyn jaqsartýǵa jáne qorshaǵan ortany qorǵaýǵa baǵyttalǵan mańyzdy qadam, — dep habarlady vedomstvodan.
Eske sala keteıik, budan buryn Oralda stıhııalyq qoqys alańynda munaı kompanııasynyń qujattary shashylyp jatqanyn jazǵan edik.
