BQO-da aýa raıynyń nasharlaýyna baılanysty joldar jabyldy
ORAL. QazAqparat - Batys Qazaqstan oblysynda aýa raıynyń nasharlaýyna baılanysty joldar jabyldy, dep habarlaıdy QazAqparat tilshisi.
BQO TJ departamentinen túsken málimetke qaraǵanda, keı jerlerde burqasyn kóterilip, jeldiń jyldamdyǵy sekýndyna 15-20 metrge jetken.
Osyǵan baılanysty respýblıkalyq mańyzy bar Peremetnyı - RF shekarasy jolynda barlyq kólik túrleri úshin qozǵalysqa shekteý qoıyldy.
Sondaı-aq oblystyq mańyzy bar Shyńǵyrlaý - Aqshat - Segizsaı, Barbastaý -Aqjaıyq - Inder, Jympıty - Qaratóbe joldary jabyldy.
«Qazirgi kezde turǵyndarǵa SMS habarlamalar jiberilip, alys saparǵa shyqpaý kerektigi jóninde eskertilýde», dep habarlady BQO TJ departamentinen.
Eske sala keteıik, keshe aýa raıynyń buzylatyny jóninde eskertý jarııalanǵanyn jazǵan bolatynbyz.
