BQO-da aýa raıynyń buzylatyny jóninde taǵy da eskertý jarııalandy
ORAL. QazAqparat – Batys Qazaqstan oblysynda aýa raıynyń buzylatyny jóninde taǵy da eskertý jarııalandy, dep habarlaıdy QazAqparat tilshisi.
«Qazgıdromet» RMK BQO fılıalynyń málimetine qaraǵanda, 21 jeltoqsanda óńirdiń keı jerlerinde kún jaýyn-shashyndy bolady.
Tuman túsip, kóktaıǵaq bolýy yqtımal.
Oral qalasynda da tuman men kóktaıǵaq bolady.
Osyǵan baılanysty BQO TJ departamenti eskertý jarııalap, turǵyndarǵa abaı bolý jóninde habarlamalar taratýda.
Oblysta birneshe kúnnen beri aýa raıy qubylyp tur.
Eske sala keteıik, budan buryn óńirde qar aralas jańbyr jaýyp, kóktaıǵaq bolatynyn, sondaı-aq mal baǵyp júrip, joǵalyp ketken baqtashynyń tabylǵanyn jazǵan bolatynbyz.
