BQO-da aýa raıyna baılanysty taǵy eskertý jarııalandy
ORAL. QazAqparat - «Qazgıdromet» RMK BQO fılıalynyń málimetine qaraǵanda, óńirdiń keı jerlerinde 28 mamyr kúni kúndiz soltústik-batystan soǵatyn jeldiń jyldamdyǵy sekýndyna 15-20 metrge deıin kúsheıedi, dep habarlaıdy QazAqparat tilshisi.
Shańdy daýyl turyp, naızaǵaı oınap, burshaq jaýýy yqtımal.
Oral qalasynda da jel sekýndyna 15-20 metrge deıin jetýi múmkin.
Osyǵan baılanysty BQO TJ departamenti taǵy da eskertý jarııalady.
Eske sala keteıik, budan buryn oblysta 25-26 mamyr kúnderi jeldiń kúsheıetini jóninde aldyn ala habarlanǵan bolatyn. 25 mamyr kúni BQO-da kúshti jeldiń saldarynan aǵashtar qulap, elektr jelileriniń úzilgenin jazǵan bolatynbyz.
