BQO-da aýa raıyna baılanysty taǵy birneshe jol jabyldy
ORAL. QazAqparat – Batys Qazaqstan oblysynda aýa raıynyń nasharlaýyna baılanysty taǵy birneshe jol jabyldy, dep habarlaıdy QazAqparat tilshisi.
BQO jolaýshylar kóligi jáne avtomobıl joldary basqarmasynyń málimetine qaraǵanda, jańbyr men kóktaıǵaqqa baılanysty 11 aqpan kúngi jergilikti saǵat 21.00-den bastap oblystyq mańyzy bar Tasqala-Aqqýraı-Bolashaq-RF shekarasy (0-157), Úlken Shaǵan-Peremetnyı (0-42) jáne Oral-Kırsanov (1-83) joldary barlyq avtokólik túrleri úshin jabyldy.
Sondaı-aq «QazAvtoJol» UK« AQ BQO fılıalynyń málimeti boıynsha respýblıkalyq mańyzy bar Samara-Shymkent (195-246 km, Oral qalasynan RF shekarasyna deıin) jolynda da qozǵalys shekteldi.
BQO TJ departamenti osyǵan baılanysty kóktaıǵaq kezinde alys jolǵa shyqpaý kerektigin eske salady. Sondaı-aq jaıaý adamdar da abaı bolǵan jón.
Eske sala keteıik, budan buryn Batys Qazaqstanda kóktaıǵaqqa baılanysty taǵy da joldar jabylǵanyn jazǵan bolatynbyz.
