BQO-da aýa raıyna baılanysty eskertý jarııalandy
ORAL. QazAqparat – Batys Qazaqstan oblysynda jel kúsheıip, jaıaý burqasyn júredi, dep habarlaıdy QazAqparat tilshisi.
«Qazgıdromet» RMK-nyń oblystyq fılıalynyń málimeti boıynsha, 6 jeltoqsan kúni óńirdiń keı jerlerinde jaıaý burqasynmen qosa, tuman, kóktaıǵaq kútiledi. Ońtústik-batystan, batystan soǵatyn jeldiń jyldamdyǵy sekýndyna 15-20 metrge jetýi yqtımal.
Al oblys ortalyǵy Oralda tuman, kóktaıǵaq jáne ekpini sekýndyna 18 metrge jetetin jel boljanady.
Osyǵan baılanysty óńirdiń Tótenshe jaǵdaılar departamenti eskertý jarııalady.
Eske sala keteıik, budan buryn elordada jáne ózge birqatar óńirde aýa raıyna baılanysty eskertý jarııalanǵan bolatyn.
