BQO-da aýa raıyna baılanysty eskertý jarııalandy
ORAL. QazAqparat - Batys Qazaqstan oblysynda aýa raıynyń ózgerýine qatysty eskertý jarııalandy, dep habarlaıdy QazAqparat tilshisi.
«Qazgıdromet» RMK BQO fılıalynyń málimetine qaraǵanda, 24-26 jeltoqsan kúnderi oblystyń keı jerlerinde tuman túsip, boran soǵady.
Kóktaıǵaq bolyp, ońtústik, ońtústik-shyǵystan soǵatyn jeldiń jyldamdyǵy sekýndyna 15-20 metrge deıin kúsheıedi.
Oblys ortalyǵynda da qolaısyz aýa raıy oryn alyp, jeldiń ekpini kúndiz sekýndyna 17 metrge deıin jetýi yqtımal.
Osyǵan baılanysty BQO TJ departamenti eskertý jarııalap, óńirde turǵyndar arasynda tótenshe jaǵdaılardy boldyrmaý maqsatynda tıisti sharalar alynýda.
Eske sala keteıik, budan buryn da aýa raıynyń qolaısyzdyǵynan oblysta barlyq joldardyń jabylǵanyn jazǵan bolatynbyz.
