BQO-da attan qulaǵan bala kóz jumdy
ORAL. QazAqparat - Batys Qazaqstan oblysynda attan qulaǵan bala kóz jumdy, dep habarlaıdy QazAqparat tilshisi.
Terekti aýdany Shalqar aýyldyq okrýginiń ákimi Sabyrbek Mýsınniń aıtýynsha, Zelenov aýdany Şapov aýylynan 2005 jylǵy bala Saryómir aýylynda turatyn naǵashylaryna qydyrystap kelgen.
Atty kórip, oǵan mingisi kelgen bala oqys oqıǵaǵa dýshar boldy.
At ony biraz jerge deıin súırep ketken. Jasóspirim oqıǵa ornynda kóz jumdy. Onyń denesi saraptamaǵa jiberildi.
Qazirgi kezde oqıǵanyń jaı-japsary anyqtalý ústinde.
