BQO-da ashanany japqany úshin basqarma basshysyna aıyppul salyndy
ASTANA. KAZINFORM — Batys Qazaqstan oblysynda aýdandyq sanıtarııalyq-epıdemıologııalyq basqarmanyń basshysy kásipkerlik nysanyn toqtatý týraly sheshim qabyldaǵan kezde prokýratýrany eskertpegeni úshin ákimshilik jaýaptylyqqa tartyldy.
Prokýratýra Kásipkerlik kodeksi talaptarynyń saqtalýyna monıtorıng júrgizý barysynda zań buzýshylyqty anyqtaǵan.
Tekserý nátıjesinde aýdandyq sanıtarııalyq-epıdemıologııalyq basqarmasynyń basshysy «El-Dáýlet» ashanasyn tekserip, onyń qyzmetin toqtatý týraly uıǵarym shyǵarǵan. Alaıda bul týraly aýdandyq prokýratýraǵa habarlamaǵan.
Osyǵan baılanysty basqarma basshysy Ákimshilik quqyq buzýshylyq týraly kodekstiń 666-baby boıynsha ákimshilik jaýaptylyqqa tartylyp, oǵan 432 500 teńge aıyppul salyndy.
Prokýratýranyń málimetinshe, qazirgi ýaqytta aıyppul tolyq kólemde óndirilgen.
Qadaǵalaý organy mundaı zań buzýshylyqtar úshin ákimshilik jaýaptylyq kózdelgenin eske saldy.
Eske salaıyq, buǵan deıin Atyraýda azyq-túlik baǵasyn shekten tys kótergen 42 kásipker aıyppul arqalaǵanyn habarlaǵan edik.
