BQO-da asa iri kólemde alaıaqtyq jasaǵan kúdikti izdestirilip jatyr
ORAL. KAZINFORM – BQO polıtsııa departamentiniń krımınaldyq polıtsııa basqarmasy aýyr qylmys jasaǵan Dáýlet Jaqsyǵalıǵa izdeý jarııalady.
BQO polıtsııa departamentiniń baspasóz qyzmetinen málim etkenindeı, 1988 jyly 28 qyrkúıekte dúnıege kelgen D.Jaqsyǵalıǵa QR QK 190-baby 4-bóligine (asa iri mólsherde jasalǵan alaıaqtyq) sáıkes aıyp taǵylyp otyr.
Ol ózin BQO boıynsha ekonomıkalyq tergep-tekserý departamentiniń jedel qyzmetkeri retinde tanystyrýy múmkin.
- Boı tasalaǵan kúdiktiniń qaıda júrgeni týraly aqparat alǵan jaǵdaıda BQO polıtsııa departamentiniń myna mekenjaıyna habarlasý suralady: 090000, Oral qalasy, Pýgachev kóshesi, 45. Telefon nómirleri: 8(7112)98-41-06, 8-705-747-99-99, 8-705-802-37-76 nemese 102, - dep habarlady vedomstvodan.
Eske sala keteıik, budan buryn BQO-da alaıaqtarǵa senip qalǵan kásipkerdiń 22 mln teńgesinen aıyrylǵanyn jazǵan bolatynbyz.