BQO-da Armenııadan ákelingen myńnan astam avtokólik tirkeldi
ORAL. QazAqparat – Batys Qazaqstan oblysynda Armenııadan ákelingen myńnan astam avtokólik tirkeldi, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, kúni búginge deıin 1060 avtokólik ıesine sary nómir berildi.
Sonyń ishinde 40-y ózge óńir azamattarynyń atyna tirkeldi. 68 avtokóliktiń rýldik basqarý quraly qaıta jabdyqtaldy.
QR Úkimetiniń 2020 jylǵy 2 qyrkúıektegi №553 qaýlysyna sáıkes 20 mamyrdaǵy №306 qaýlyǵa ózgerister engizildi.
Endi azamattar Armenııadan bıylǵy 1 aqpanǵa deıin ákelingen sol jaqtan basqarylatyn avtokólikterin 2021 jylǵy 1 naýryzǵa deıin tirkeı alady.
Eske sala keteıik, budan buryn BQO-da avtokólik aýdarylyp, aǵaly-inili jigitterdiń aýrýhanaǵa jetkizilgenin jazǵan bolatynbyz.
