BQO-da aptap ystyq birneshe kúnge sozylmaq

ORAL. QazAqparat - «Qazgıdromet» RMK BQO fılıalynyń málimetine qaraǵanda, 5-8 tamyzda óńirdiń keı jerlerinde kún 40-42 gradýsqa deıin ysıdy, dep habarlaıdy «QazAqparat» tilshisi.

Osyǵan baılanysty BQO TJ departamenti eskertý jarııalap, turǵyndar arasynda tótenshe jaǵdaılarǵa jol bermeý maqsatynda tıisti sharalar alynýda.

Kúnniń ysýyna baılanysty óńirde órt qaýpi de kúsheıip tur.

BQO TJ departamenti bastyǵynyń orynbasary Aqylbek Ahmetjanovtyń búgin málim etkenindeı, bıyl oblys aýmaǵynda eki orman (50,3 ga) jáne 19530 gektar jerdi qamtyǵan 208 dala órti tirkeldi. Bul ótken jylǵydan (1769 ga jerdegi 90 tabıǵı janý oqıǵasy) eki esege kóp. Órtke baılanysty Aqjaıyq, Qaztalov aýdandarynda jáne Bókeı ordasynyń Saıqyn aýyldyq okrýginde tótenshe jaǵdaı jarııalandy.

Órttiń aldyn alý jáne «tilsiz jaýdy» aýyzdyqtaý maqsatynda óńirde 2954 adamnan turatyn 151 erikti jasaq quryldy. Olar 94 sý tasyǵyshpen, 449 basqa da beıimdelgen tehnıkalarmen, 1706 aspaly órt sóndirgishtermen, 106 motopompamen jáne 1633 ózge de quraldarmen qamtamasyz etildi.