BQO-da apta boıy izdestirilgen boıjetken tabyldy
ORAL. QazAqparat – Batys Qazaqstan oblysynda 4 qarasha kúni joǵalyp ketken 22 jastaǵy qyz aman-esen tabyldy, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen túsken málimetke qaraǵanda, Qundyz Joltaeva 11 qarashada úıine ózi qaıtyp oralǵan.
«Qazir qyzdyń jaǵdaıy, densaýlyǵy jaqsy», - dep habarlady departamentten.
Eske sala keteıik, boıjetken 4 qarasha kúni shamamen saǵat 09.00-de Aqsaı qalasy Zavodskaıa kóshesi, 88 meken jaıyndaǵy úıinen shyǵyp ketip, qaıta oralmaǵan. Onyń aıyryqsha belgileri, kıip ketken kıimi boıynsha aqparat taratylyp, izdestirý jumystary bastalǵan bolatyn.
