BQO-da apatqa ushyraǵan tikushaqty shyǵarǵan zaýyt ókilderi oqıǵa ornyna barady

ASTANA. QazAqparat - Batys Qazaqstanda apatqa ushyraǵan tikushaqty shyǵarǵan zaýyt ókilderi oqıǵa ornyna barady. Bul týraly Tótenshe jaǵdaılar mınıstrliginiń resmı ókili Rýslan Imanqulov vedomstvoda ótken brıfıngide málim etti, dep habarlaıdy QazAqparat tilshisi.

«Búgin tikushaqty ázirlegen zaýyt ókilderi oqıǵa ornyna barady», - dedi Rýslan Imanqulov.

Sondaı-aq ol BAQ ókilderiniń suraqtaryna bergen jaýabynda tikushaqtyń Reseı Federatsııasynda óndirilgenin rastady.

Eske salsaq, keshe Batys Qazaqstan oblysynda «Qazavıaqutqarý» AQ-ǵa tıesili tikushaqtyń «apatty jaǵdaıda qonyp», 4 adamnyń mert bolǵany habarlanǵan bolatyn.

TJM Batys Qazaqstandaǵy oqys oqıǵadan qaza tapqandardyń aty-jónin jarııalady.

Foto: t.me/qr_tjm