BQO-da ańshylyq kezinde aýyldasyn atyp óltirgen turǵynǵa úkim shyqty
ORAL. KAZINFORM — Batys Qazaqstan oblysynda ańshylyq kezinde qarýyn uqypsyz paıdalaný saldarynan óz tanysynyń abaısyzda ómirin qıǵan aýyl turǵynyna qatysty sot úkimi shyqty.
BQO sotynyń baspasóz qyzmetinen málim etkenindeı, oqıǵa 2026 jyldyń aqpan aıynda dalalyq aımaqta bolǵan.
Jergilikti birneshe turǵyn ań aýlaý maqsatynda qarý alyp shyqqan. Ań aýlaý barysynda joldan kezdesken birneshe qoıandy atyp alyp, demalý úshin toqtaǵan. Sottalýshy ózine tıesili atys qarýyn jabysqan qardan tazalaǵan ýaqytta abaısyzdyq tanytqan.
Atap aıtqanda, qarýdyń oqtaýly ekenin bile tura, nemquraılylyq tanytyp, saýsaǵy myltyqtyń ilmegine tıip ketken. Sodan atylǵan oq aýyldasyna tıip, ol alǵan jaraqatynan sol jerde qaıtys bolǵan.
— Tergeý amaldary júrgizilip, sottalýshyǵa qatysty abaısyzda adam óltirý baby boıynsha qylmystyq is qaraldy. Onyń kinásin moıyndap, shyn nıetpen ókinýi, asyraýynda kámeletke tolmaǵan balalarynyń bary, jábirlenýshi ókiliniń pikiri eskerilip, bir jyl alty aıǵa bas bostandyǵynan shekteý jazasy taǵaıyndaldy. Úkim zańdy kúshine endi, — dep habarlady vedomstvodan.
Eske sala keteıik, budan buryn Oralda 12 jastaǵy qyzdyń aýrýhanada kóz jumýyna baılanysty tekserý júrgizilip jatqanyn jazǵan edik.
