BQO-da anasyn óltirgen jasóspirim 9 jylǵa sottaldy
ORAL. KAZINFORM – BQO qylmystyq ister jónindegi mamandandyrylǵan aýdanaralyq sotynda alqabılerdiń qatysýymen anasyn óltirý deregi boıynsha kámeletke tolmaǵan jasóspirimge qatysty úkim shyqty.
Atalmysh sottyń baspasóz qyzmetinen málim etkenindeı, jasóspirimge QR QK 99-baby 2-bóligine sáıkes asa qatygezdikpen adam óltirdi degen aıyp taǵyldy.
Іstiń mán-jaıyn zań boıynsha jarııa etý múmkin bolmaǵandyqtan, is jabyq sot otyrysynda qaraldy. Sottalýshy óz kinásin tolyq moıyndap, shyn nıetpen ókinetinin aıtty.
Úkimdi shyǵarý kezinde sottalýshynyń kámeletke tolmaǵany, minez-qulqy, qoǵamdyq qaýiptilik dárejesi men jasaǵan qylmysynyń aýyrlyǵy jáne shyn nıetpen ókinýi eskerildi.
Sot zań talaptaryn negizge ala otyryp, oǵan QR QK-niń 99-baby 2-bóligimen 9 jyl bas bostandyǵynan aıyrý jazasyn taǵaıyndady. Jazasyn kámeletke tolmaǵandardy ustaýǵa arnalǵan qaýipsizdigi ortasha qylmystyq-atqarý júıesi mekemesinde óteý belgilendi.
Sot úkimi zańdy kúshine engen joq.
Eske sala keteıik, budan buryn BQO-da 56 jastaǵy áıeldiń pyshaq jaraqatynan kóz jumǵanyn jazǵan bolatynbyz.
Sondaı-aq BQO-da anasyn óltirdi degen kúdikpen jasóspirim ustaldy. Onda 16 jasar jasóspirimniń óz anasyn óltirgeni aıtylǵan edi.
