BQO-da anasyn óltirdi degen kúdikpen jasóspirim ustaldy

Batys Qazaqstan oblysynda anasyn óltirdi degen kúdikpen jasóspirim ustaldy, dep habarlaıdy Kazinform.

BQO Polıtsııa departamentiniń baspasóz qyzmetinen túsken málimetke qaraǵanda, Shyńǵyrlaý aýdany Shyńǵyrlaý aýylynyń turǵyny 18 qazan kúni bolǵan adam ólimine kúdikti bolyp otyr.

"Qylmystyq is qozǵaldy. Kúdikti qolǵa túsip, ýaqytsha ustaý ızolıatoryna qamaldy. Basqa aqparat QR Qylmystyq is júrgizý kodeksiniń 201-babyna sáıkes jarııa etilmeıdi", –dep habarlady vedomstvodan.

Eske sala keteıik, budan buryn BQO-da 56 jastaǵy áıeldiń pyshaq jaraqatynan kóz jumǵanyn jazǵan bolatynbyz.