BQO-da ań aýlaýǵa shyǵyp, joǵalyp ketken er adamnyń múrdesi tabyldy
ORAL. QazAqparat – Batys Qazaqstan oblysynda ań aýlaýǵa shyǵyp, joǵalyp ketken er adamnyń múrdesi tabyldy, dep habarlaıdy QazAqparat tilshisi.
Budan buryn jazǵanymyzdaı, 40 jastaǵy turǵyn 2 sáýir kúni keshkisin Terekti aýdany Ańqaty aýylynan 20 shaqyrym jerde Shalqar kóliniń jaǵasynda ań aýlaýǵa ketkennen oralmaǵan bolatyn.
«Er adamnyń denesin polıtsııa qyzmetkerleri men eriktiler 12 sáýir kúni saǵat 15:40-ta oqıǵa bolǵan mańnan 12 shaqyrym jerden tapty. Myltyǵy ózimen birge qalǵan. Sot-medıtsınalyq saraptama taǵaıyndaldy», dep habarlady QazAqparat tilshisine BQO polıtsııa departamentiniń baspasóz qyzmeti.
Qazirgi kezde oqıǵanyń jaı-japsary anyqtalý ústinde.
