BQO-da ań aýlaýǵa shyǵyp, joǵalyp ketken er adam izdestirilip jatyr
ORAL. QazAqparat – Batys Qazaqstan oblysynda ań aýlaýǵa shyǵyp, joǵalyp ketken er adam izdestirilip jatyr, dep habarlaıdy QazAqparat tilshisi.
BQO polıtsııa departamentinen túsken málimetke qaraǵanda, 40 jastaǵy ekinshi toptaǵy múgedek Anton Borısov 2 sáýir kúni shamamen saǵat 21.00-de Terekti aýdany Ańqaty aýylynan 20 shaqyrym jerde Shalqar kóliniń jaǵasynda ań aýlaýǵa ketkennen oralmaǵan.
Ózimen birge ańshy myltyǵy, oq-dárisi bolǵan, qolyna elektrondy saǵat taqqan.
Boıy 175-180 sm, aryqsha kelgen, ústine sary-kók tústi komýflıaj kostıým, aıaǵyna etik kıgen.
Eske sala keteıik, budan buryn Oralda aýrýhanadan shyǵyp ketken 65 jastaǵy er adamnyń taptyrmaı jatyrǵanyn jazǵan bolatynbyz.
BQO polıtsııa departamentiniń baspasóz qyzmeti bul adamnyń da áli tabylmaǵanyn, izdestirý jumystary jalǵasyp jatqanyn jetkizdi.
