BQO-da alty jasar qyz bala avtokóliktiń astyna túsip, kóz jumdy
ORAL. QazAqparat - Batys Qazaqstan oblysynda kishkentaı balalar arasynda oqys oqıǵalar jıilep ketti, dep habarlaıdy «QazAqparat» HAA tilshisi.
BQO densaýlyq saqtaý basqarmasynyń baspasóz hatshysy Flıýra Samatovanyń málim etkenindeı, basqasyn aıtpaǵanda, jyl basynan beri baldyrǵandar qatty kúıip qalǵan tórt birdeı oqıǵa tirkeldi.
Keshe Qaztalov aýdany Jalpaqtal aýylynda 11 aılyq qyz bala ystyq sýǵa kúıip qalǵan. Onyń denesiniń 20 paıyzyn kúıik shalǵan. Budan birer kún buryn Oralǵa qarasty Serebrıakov kentinde 1 jas 8 aıǵa tolǵan qyz bala dál sondaı jaǵdaıǵa tap bolyp, denesiniń 63 paıyzyn kúıik shalǵan. Qazir ekeýi de oblystyq kóp beıindi balalar aýrýhanasynda emdelýde.
Sondaı-aq 23 qańtar kúni tús qaıta Bókeı ordasy aýdany Han ordasy aýylynda 2011 jylǵy qyz bala shanamen syrǵanap kele jatyp, avtokóliktiń astyna kirip ketip, qaıtys bolǵan.
«Munyń barlyǵynyń basty sebebi - ata-analarynyń balalaryn qaraýsyz qaldyrýy», - dedi «QazAqparat» tilshisine F.Samatova.
