BQO-da alıment tóleýden jaltarǵan 14 zııandy boryshkerdiń ústinen is qozǵaldy

ORAL. KAZINFORM – Batys Qazaqstan oblysy prokýratýrasynyń bastamasymen oblysta barlyq múddeli organdarmen birlesip, alıment boıynsha «10 qadam jobasy júzege asyryldy». Bul týraly BQO prokýratýrasy málimdedi.

Málim bolǵandaı, jobany júzege asyrý barysynda 286,5 mln.teńge somasynd qaryz ótelgen.

Bos jumys oryndary jármeńkeleri uıymdastyrylyp, nátıjesinde 139 boryshker jumysqa ornalastyryldy, 274 adam jumyspen qamtý organdarynda tirkeldi.

«Zııandy boryshkerlerge tıesili kólikterdi anyqtaý jáne ustaý boıynsha birlesken reıdter barysynda, boryshkerlerdiń alıment boıynsha bereshegi 12,5 mln.teńge somasynda 7 kóligi belgilenip, qamaýǵa alyndy (4 tulǵa 6 mln.teńge qaryzyn dereý ótedi)», - delingen habarlamada.

100 boryshkerdi sot sheshimderin oryndamaǵany úshin anyqtap, ákimshilik jaýapkershilikke tartty, onyń ishinde sot 81 tulǵa qamaýǵa alyp, 22 adamǵa aıyppul salyndy.

2 jylǵa deıingi merzimge shekteý nemese bas bostandyǵynan aıyrý túrindegi jazany kózdeıtin alıment tóleý jónindegi mindetterdi oryndamaǵany úshin Qazaqstan Respýblıkasy Qylmystyq kodeksiniń 139-baby boıynsha 14 zııandy boryshkerge qatysty sotqa deıingi tergep-tekserý bastaldy.