BQO-da alıment bereshegi 375 myń teńgeden asqan er adam qamaýǵa alyndy

ORAL. KAZINFORM – Batys Qazaqstan oblysy Kaztalov aýdandyq sotynda A. degen turǵynǵa qatysty QR Ákimshilik quqyq buzýshylyq týraly kodeksiniń 669-baby 1-bóligine sáıkes qozǵalǵan iske núkte qoıyldy.

BQO sotynyń baspasóz qyzmetinen málim etkenindeı, er adam kámelettik jasqa tolmaǵan balalaryn asyrap baǵý úshin barlyq tabysynyń ½ bóligi mólsherinde alıment óndirý týraly sot sheshimin uzaq ýaqyt boıy oryndamaǵan. 

Sonyń saldarynan onyń alıment boıynsha bereshegi 375 871 teńgege jetken.

- Sot otyrysynda quqyq buzýshy óz kinásin moıyndap, qatań jaza qoldanbaýdy surady. Іs materıaldaryna sáıkes, A-nyń kinási ákimshilik quqyq buzýshylyq týraly hattamamen, sot oryndaýshysynyń bereshek týraly qaýlysymen, sot sheshimimen, atqarýshylyq is júrgizý qujattarymen jáne basqa da materıaldarmen dáleldendi. Sot ákimshilik jaza qoldaný kezinde jeńildetetin jáne aýyrlatatyn mán-jaılardy eskerdi. Er adam kináli dep tanylyp, oǵan 3 táýlikke ákimshilik qamaqqa alý túrindegi jaza taǵaıyndaldy. Qaýly zańdy kúshine endi, - dep habarlady vedomstvodan.

Eske sala keteıik, budan buryn Batys Qazaqstanda 400 mln teńgeden astam alıment bereshegi óndirilgenin jazǵan bolatynbyz.