BQO-da aldaǵy jyly jol jóndeýge 18,7 mlrd teńge qaralyp otyr
ORAL. QazAqparat - Batys Qazaqstan oblysynda 2018 jyly jol jóndeýge bıýdjet esebinen 18,7 mlrd teńge qaralyp otyr, dep habarlaıdy «QazAqparat» tilshisi.
BQO ekonomıka jáne bıýdjettik josparlaý basqarmasynan túsken málimetke qaraǵanda, osy qarjyǵa 145 km oblystyq jáne aýdandyq mańyzy bar joldar salynyp, kúrdeli jáne aǵymdaǵy jóndeýden ótetin bolady.
Basqarma basshysy Qaısar Mańqaraevtyń aıtýynsha, óńirde avtomobıl joldarynyń jaı-kúıi ózekti másele bolyp tabylady. Bıyl jol jóndeýge 14,1 mlrd teńge bıýdjettik qarjy jumsaldy. Barlyǵy 419 km jol jóndeldi.
Aıta keteıik, 2017 jyly «Nurly jol» baǵdarlamasy aıasyndaǵy jobalardy júzege asyrý úshin 14,0 mlrd teńge bólindi. Osy qarjy esebinen respýblıkalyq mańyzy bar Oral-Tasqala-RF shekarasy jolynyń 15,2 shaqyrymy (eki jylda - 43,3 km) qaıta salyndy. Reseıdiń Saratov oblysymen baılanystyratyn bul jol qurylysyn aldaǵy jyly bitirý kózdelýde. «Nurly jol» qarjysyna sondaı-aq Oraldaǵy tórt mektep qurylysy aıaqtalyp keledi. Oǵan qosa 184 km sýmen qamtý jáne 2,6 km jylýmen qamtý júıeleri retke keltirildi.
