BQO-da aldaǵy jyldary 50 densaýlyq saqtaý nysany salynbaqshy

ORAL. QazAqparat – Batys Qazaqstan oblysynda 2023-2025 jyldary «Aýyldyq densaýlyq saqtaý salasyn jańǵyrtý» ulttyq jobasy aıasynda 50 densaýlyq saqtaý nysanyn salý josparlanyp otyr, dep habarlaıdy QazAqparat tilshisi.

BQO ákiminiń orynbasary Baqytjan Narymbetovtiń óńirlik kommýnıkatsııalar qyzmeti alańynda ótken brıfıngide málim etkenindeı, sonyń ishinde 17-si – medıtsınalyq pýnkt, 21-i – feldsherlik-akýsherlik pýnkt, 12-si – dárigerlik ambýlatorııa.

Baqytjan Haberulynyń sózine qaraǵanda, qazirgi ýaqytta 2023 jyly qurylysy júrgiziletin 14 nysannyń jobalyq-smetalyq qujattamasy ázirlenýde.

Sonymen qatar jańǵyrtý arqyly Bórli jáne Kaztalov aýdandyq aýrýhanalary 2024-2025 jyldary aýdanaralyq kópbeıindi aýrýhanaǵa aınaldyrylady.

Oblys ákiminiń orynbasary brıfıng barysynda Memleket basshysy jarııalaǵan Balalar jyly aıasynda óńirde atqarylǵan is-sharalarǵa toqtaldy. Bulardyń barlyǵy balalardyń sapaly bilim alýy úshin jaǵdaı jasaýǵa, densaýlyǵy men qaýipsizdigin nyǵaıtýǵa, olardyń arasynda sport pen salaýatty ómir saltyn nasıhattaýǵa, shyǵarmashylyqty damytýǵa baǵyttalǵanyn atap ótti.

Qazirgi tańda óńirde 219 myńnan astam bala bar.

Eske sala keteıik, budan buryn Batys Qazaqstan oblysynda 40 jańa mekteptiń salynatynyn jazǵan bolatynbyz.