BQO-da aldaǵy kúnderi aptap ystyq bolady
ORAL. QazAqparat - Batys Qazaqstan oblysynda 1-3 shilde kúnderi aptap ystyq bolady, dep habarlaıdy QazAqparat tilshisi.
«Qazgıdromet» RMK BQO fılıalynyń málimetine qaraǵanda, keı jerlerde temperatýra tili 40 gradýsqa deıin jetedi. Oral qalasynda da qatty ystyq bolady.
Osyǵan baılanysty BQO TJ departamenti turǵyndar arasynda tótenshe jaǵdaılardy boldyrmaý, ómirlik mańyzy zor nysandardyń qalypty qyzmetin qamtamasyz etý maqsatynda eskertý jarııalap, tıisti sharalar alynýda.
Aıta keteıik, óńirde bıylǵy jaz ystyq bolyp tur. Ásirese, oblystyń ońtústik aýdandarynda jańbyr jaýmaǵaly eki aıdaı ýaqyt boldy. Sonyń saldarynan shóp te shyqpaı qaldy.
