BQO-da alaıaqqa sengen turǵyn 1 mln teńgesinen aıyryldy

ORAL. QazAqparat – Batys Qazaqstan oblysynda alaıaqqa sengen turǵyn 1 mln teńgesinen aıyrylyp qaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, Aqsaı qalasynda turatyn áıel 53 jastaǵy turǵynǵa Whatsapp messendjeri arqyly aqshasyn kóbeıtip beremin dep, ýáde bergen.

Aqyry onyń 1 mln teńgesin jymqyryp ketken.

«Quqyqtyq tártip» jedel aldyn alý sharasy barysynda 35 jastaǵy áıel ustaldy. Odan eshqaıda ketpeý týraly qolhat alyndy.

Qazirgi kezde QR QK 190-baby 2-bóligine (alaıaqtyq) sáıkes sotqa deıingi tergeý amaldary júrgizilýde.

Eske sala keteıik, budan buryn Atyraý turǵynynyń jumysqa ornalastyramyn dep 14 adamdy aldap ketkenin jazǵan bolatynbyz.