BQO-da alaıaq eki aǵaıyndyny 5 mln teńgege aldap ketken

ASTANA. KAZINFORM — Batys Qazaqstan oblysynda polıtsııa qyzmetkerleri birneshe tanysyn san soqtyrǵan er adamdy ustady, dep habarlaıdy Polisia.kz.

Kúdikti tanystaryna birneshe smartfon satyp alýdy usynyp, olardy bastapqy qunynan qymbat baǵaǵa qaıta satýǵa bolatynyn aıtqan. Ol telefondardy satyp alǵannan keıin nesıelerin jaýyp, qalǵan aqshany ózara bólisetinderine sendirgen.

— Oral qalasynyń turǵyndary kúdiktiniń sózderine senip, úsh IPhone 15 satyp alǵan jáne oǵan 2 mıllıon teńgege jýyq aqsha bergen. Telefondardy alǵan soń alaıaq «izin sýytyp», jábirlenýshilerdi san soqtyryp ketken. Tergeý nátıjesinde jábirlenýshilerge keltirilgen jalpy materıaldyq shyǵynnyń 5 mıllıon teńgeden astam ekeni anyqtaldy. Qarjylyq shyǵynǵa ushyraǵandar týǵan baýyrlar bolyp shyqty. Bul fakt boıynsha sotqa deıingi tergeý amaldary júrgizilip jatyr, — delingen habarlamada.

Polıtsııa azamattardy kez kelgen jaǵdaıda saq bolýǵa shaqyrady.

Buǵan deıin habarlaǵanymyzdaı, polıtsııa jıhaz tsehinde esirtki saqtaǵan qostanaılyqty ustady.