BQO-da alaıaq áıel úı alyp beremin dep 23 adamdy aldap ketken

ORAL. QazAqparat – Aqsaı qalasynda turatyn alaıaq áıel úı alyp beremin dep 23 adamdy aldap, 15 mln teńgege otyrǵyzyp ketken, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, 45 jastaǵy áıel óziniń jymysqy áreketin 2020 jyldyń kókteminde bastaǵan.

Úı alyp beremin degenge senip qalǵandardyń arasynda Oral, Almaty, Atyraý qalalarynyń turǵyndary bar. Alaıaqtyń qasynda sybaılasy bolǵan.

Jábirlenýshilerge keltirilgen zalal mólsheri 15 mln teńgeden asqan.

«Qazirgi kezde QR QK 190-baby 3-bóligine (alaıaqtyq) sáıkes sotqa deıingi tergeý amaldary júrgizilýde. Kúdiktiniń basqa da qylmystarǵa qatystylyǵy anyqtalý ústinde. Eger odan japa shekkender bolsa, jergilikti mekenjaıy boıynsha polıtsııa bólimine shaǵymdana alady», dep habarlady vedomstvodan.

Eske sala keteıik, budan buryn Oralda qaraqshylardyń tal túste nesıe beretin kassırdi tonap ketkenin jazǵan bolatynbyz.