BQO-da Aqtóbe baǵytyndaǵy jol barlyq kólik túrleri úshin jabyldy

ORAL. QazAqparat – Batys Qazaqstan oblysynda Aqtóbe baǵytyndaǵy respýblıkalyq jol jabyldy, dep habarlaıdy QazAqparat tilshisi.

«QazAvtoJol» JShS BQO fılıalynyń málimeti boıynsha 19 aqpan kúngi jergilikti saǵat 20.40-tan bastap Aqtóbe oblysynda aýa raıynyń nasharlaýyna baılanysty respýblıkalyq mańyzy bar Samara-Shymkent avtojolynda (392-526 km, Jympıty aýylynan Aqtóbe oblysynyń shekarasyna deıin) barlyq kólik túrleri úshin qozǵalysqa shekteý qoıyldy.

Jabylý sebebi – qatty boran.

Osyǵan baılanysty BQO TJ departamenti atalǵan baǵytta jolǵa shyqpaý kerektigin eskertedi.

Eske sala keteıik, budan buryn BQO-da kún raıynyń nasharlaýyna baılanysty eki respýblıkalyq joldyń jabylǵanyn jazǵan bolatynbyz.

BQO TJ departamentinen túsken málimetke qaraǵanda, qazirgi kezde Chapaev-Jalpaqtal-Kaztalov-RF shekarasy jáne Oral-Atyraý baǵytyndaǵy joldar ashyq.