BQO-da ákimdik ǵımaratyndaǵy tóbeles: apparat basshysy túsinik berdi
ORAL. KAZINFORM — Kazinform budan buryn jazǵanyndaı, Syrym aýdany ákimdigi ǵımaratynda tóbeles bolyp, bir adam aýyr jaraqat alǵan edi.
Osy oqıǵaǵa baılanysty aýdan ákimi apparatynyń basshysy Erbolat Ahmetov jaýap berdi.
Onyń aıtýynsha, tóbeleske memlekettik jáne bıýdjettik mekeme qyzmetkerleri qatyspaǵan. Oqıǵa jumystan tys ýaqytta 14 naýryzdan 15-ine qaraǵan túni bolǵan.
— Ákimshilik ǵımaratty «Minnur Kuzet» JShS kúzetedi. Osy mekemeniń qyzmetkeri bógde eki adamdy kirgizip, birge spırttik ishimdik ishken. Kelispeýshiliktiń sońy tóbeleske ulasqan. Qazirgi ýaqytta «Minnur Kuzet» JShS-men kelisimshartty buzý týraly hat joldandy, — dedi Erbolat Ahmetov.
BQO densaýlyq saqtaý basqarmasynyń baspasóz qyzmetiniń málimetine qaraǵanda, kúni búgin jábirlenýshi Oraldaǵy qalalyq kópbeıindi aýrýhananyń jansaqtaý bóliminde jatyr.