BQO-da ákimdik 120 mln teńgeniń jer telimin 725 myń teńgege berip jibergen

ORAL. KAZINFORM — BQO Báıterek aýdany prokýratýrasy jer telimin berý zańdylyǵyn tekserý kezinde bir azamatqa oblys ortalyǵyna jaqyn jerden iri kólemdegi jalpy aýmaǵy 40 gektar (400 000 sharshy metr — 4 000 sotyq jer) jer telimi «baǵbandyq jáne saıajaı qurylysyna» berilgeni anyqtalǵan.

Sonymen qatar memleketten saıajaı jer telimin satyp alý quny zańsyz tómendetilip, 4 000 sottyq jer 765 myń teńgege satylǵan.

Negizinde jer telimderiniń naqty kadastyrlyq quny — 119,8 mln teńge.

Osynyń saldarynan memleketke asa iri kólemde zalal kelgen.

Osynyń negizinde, prokýrorlyq tekserý materıaly tirkelip, aýdandyq jer qatynastar bóliminiń basshysyna qatysty qyzmettik ókilettigin teris paıdalanyp, aýyr saldarǵa alyp kelý faktisimen sotqa deıingi tergeý bastaldy.

Qylmystyq isti tergeý Batys Qazaqstan oblysynyń arnaıy prokýrorlaryna tapsyryldy.

Sot úkimimen Báıterek aýdandyq jer qatynastar bóliminiń bastyǵy QK-tiń 361-babynyń 4-bóliginiń 3-tarmaǵymen kináli dep tanylyp, 3 jylǵa bas bostandyǵynan aıyryldy.

Jazasyn qylmystyq-atqarý júıesiniń ortasha qaýipsiz mekemesinde óteıdi.

Memleketke kelgen zalaldy qaıtarý týraly talap aryz qanaǵattandyryldy.

Úkim zańdy kúshine engen joq.