BQO-da ákesin óltirgen turǵyn 10 jylǵa sottaldy

ORAL. KAZINFORM – BQO qylmystyq ister jónindegi mamandandyrylǵan aýdanaralyq sotynda ákesin óltirgen I-ǵa qatysty úkim shyqty. 

Atalmysh sottan málim etkendeı, oǵan QR QK 99-baby 1-bóligine (adam óltirý) sáıkes aıyp taǵyldy.

Oqıǵa Syrym aýdany Qońyr aýylynda bolǵan. Іshimdik ishken I. mas kúıinde ákesimen sózge kelip, aǵashpen onyń basynan jáne ıyǵynan birneshe ret soqqy jumsaǵan. Saldarynan ákesi oqıǵa ornynda jan tapsyrǵan.

«Sottalýshy óz kinásin tolyq moıyndap, isine ókinetinin aıtty. Sottyń úkimimen I. ózine taǵylǵan aıyp boıynsha asa aýyr qylmysty jasaǵany úshin kináli dep tanyldy. Úkimdi shyǵarý kezinde sottalýshynyń minez-qulqy, qoǵamdyq qaýiptilik dárejesi men jasaǵan qylmysynyń aýyrlyǵy jáne shyn nıetpen ókinýi eskerildi. Sot zań talaptaryn negizge ala otyryp, I-ǵa QR QK-niń 99-babynyń 1-bóligimen 10 jyl bas bostandyǵynan aıyrý jazasyn taǵaıyndady. Jazasyn qaýipsizdigi barynsha joǵary qylmystyq-atqarý júıesi mekemesinde óteý belgilendi. Sot úkimi zańdy kúshine endi», - dep habarlady vedomstvodan.

Eske sala keteıik, budan buryn BQO-da esirtki zattaryn shekaradan zańsyz alyp ótpek bolǵan eki adamnyń sottalǵanyn jazǵan edik.