BQO-da «Aq bıdaı» aýyl sporty oıyndary márege jetti
ORAL. QazAqparat - Zelenov aýdanynda VI «Aq bıdaı» aýyl sporty oıyndarynyń oblystyq jarystary márege jetti, dep habarlaıdy «QazAqparat» tilshisi.
Tórt jylda bir keletin aýyl sporty oıyndarynyń jabylý rásimine qatysqan BQO dene shynyqtyrý jáne sport basqarmasynyń basshysy Ásııa Amanbaeva jarystyń joǵary deńgeıde uıymdastyrylǵanyn aıtyp, sol úshin Zelenov aýdany basshylyǵyna rızashylyǵyn jetkizdi. Aýdan ákimi, belgili sportshy Ashat Shaharov ta barlyq aýdannan kelgen komandalardyń belsendilik tanytqanyn atap ótti.
Bes kúnge sozylǵan jarys barysynda at báıgesi, aýdaryspaq, teńge alý, jamby atý, kókpar, voleıbol, qazaq kúresi, jazǵy prezıdenttik kópsaıys, gir sporty, qol kúresi, asyq atý, toǵyzqumalaq jáne shaǵyn fýtboldan jeńimpaz-júldegerler anyqtaldy.
Jalpykomandalyq esepte Bórli aýdanynyń komandasy úzdik shyqty. Sondaı-aq zelenovtyqtar ekinshi, aqjaıyqtyqtar úshinshi orynǵa ıe boldy. Jarys júldegerleri kýbok, dıplomdarmen, baǵaly syılyqtarmen marapattaldy.
Endi úzdik sportshylardan oblys quramasy jasaqtalyp, aýyl sporty oıyndarynyń respýblıkalyq kezeńine qatysady.
