BQO-da adasyp ketken malshy bir kúnnen keıin tabyldy
ORAL. KAZINFORM — Batys Qazaqstan oblysy Jańaqala aýdanynda joǵalyp ketken malshyny izdestirý jumystary júrgizildi.
BQO TJ departamentiniń baspasóz qyzmetinen málim etkenindeı, oqıǵa 15 jeltoqsan kúni Birlik aýyldyq okrýgine qarasty «Ótepqalı» sharýa qojalyǵynda boldy.
Saǵat 16.00-de 1971 jylǵy turǵyn 5 shaqyrym qashyqtyqta ornalasqan qudyqqa qaraı mal sýarýǵa shyǵyp, sodan oralmaǵan. Ózimen birge uıaly telefony bolmaǵan.
Malshynyń joǵalyp ketkeni jóninde habar 16 jeltoqsan kúni tańmen BQO polıtsııa departamentinen túsken.
Іzdestirý jumystaryna TJ departamenti, TJM 20982-áskerı bóliminiń 2-qutqarý batalony, PD, jergilikti atqarýshy organdar jáne turǵyndar jumyldyryldy. Áýeden izdeý úshin «Qazavıaqutqarý» AQ MI-8 tikushaǵy dereý kóterildi.
— Er adam 16 jeltoqsan kúni saǵat 13.30-da 30 shaqyrym jerdegi Aqjaıyq aýdany Taıpaq aýyldyq okrýgine qarasty Bahas qystaýynan tabyldy. Ol medıtsınalyq kómekti qajetsinbedi. BQO TJD qolaısyz aýa raıyna baılanysty turǵyndarǵa qaýipsizdik sharalaryn qatań saqtaý kerektigin eske salady, — dep habarlady vedomstvodan.
Eske sala keteıik, budan buryn BQO-da taǵy bir er adamnyń denesi tabylǵanyn jazǵan edik.
Sondaı-aq Batys Qazaqstanda aýyl turǵyndary qarǵa kómilgen qoılardy qutqardy.